![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Os pronombres son parolas u morfemas que o suyo referent no ye fixo sino que se determina en relación con atras que normalment ya s'han nombrau. Pragmaticament se refieren con frecuencia a personas u cosetas reals extralingüísticas mas que a substantivos d'o contexto. A ista propiedat de referir-se a atros elementos tanto lingüisticos como que extralingüísticos se la denomina deixis; por eixemplo: Pedro no ye tan listo como que él pensaba; éls minchan muito.
Todas as Luengas humanas tienen pronombres, amás todas ellas tienen pronombres personals y posesivos que obligatoriament expresan persona. Tamién ye frecuent entre as luengas d'o mundo que os pronombres expresen numero y mesmo chenero. En as luengas flexivas cheneralment expresan tamién caso. De feito ye habitual en as luengas d'o mundo que en o pronombre s'expresen mas categorías gramaticals que as que s'expresan en o verbo u o nombre. Por eixemplo, en anglés os pronombres personals admiten chenero pero os nombres no. En castellano admiten caso morfolochico, a diferencia d'os nombres. En chino mandarín expresan numero pero en o nombre ixa categoría usualment no s'expresa.